أهم 10 معلومات لازم تعرفهم قبل التخرج

مقالات عامه

في مجموعه معلومات مهمه لازم تكون عندك كطالب قبل التخرج المعلومات دي من شأنها انها تحسن من فرصك في سوق العمل وكلما عرفت المعلومات دي بدري كلما

اتدربت عليها كويس و كلما زادت من فرصك في الحصول على وظيفة متميزه في سوق العمل وابرز المهارات دي

1- تعلم اللغه الانجليزيه : تعلم اللغه الانجليزيه على يد معلم لو أنت بدأت من مرحلة الصفر الى الاحتراف غالبا هتحتاج متوسط 300 ساعه تعليميه دا غير التطبيق العملي , بالتالي الوقت الانسب للدراسه من وانت في الكليه عشان تقدر تتعلم و تطبق لحد ما تتقن اللغه

ابرز الخطط الي هتساعدك في تعلم اللغه هتلاقيها

- خطة مايكل يوسف هنا

- خطه عمليه لتعلم اللغه هتلاقيها هنا

- تمرين للمبتدئين ازاي ترتب الجمل بشكل صحيح هنا

- تمارين املاء تسمع و تكتب اللي سمعته هنا

- تدريب على الازمنه المختلفه من خلال ترتيب الجمل من هنا

- قائمه بافضل قنوات تعلم اللغه الانجليزيه هنا

2- تكوين العلاقات : ودي خطوه مهمه جدا , الشغل اكتر بيجي بالعلاقات و التوصيات الشخصيه ,العلاقات بتكونها مع اصدقاء الدفعه و الانشطه الطلابيه و التطوعيه وكل ما الناس عرفت انك مهتم بمجالات معينه او تخصصات معينه كل ما كان افضل.

العلاقات هتفديك برضه لو في فرصه تدريب او سفر تلاقي حد بيمنشنك او بيبلغك وتستفاد من الفرص دي .

العلاقات الفعاله اللي فيها تبادل منفعه المنفعه دي ممكن تكون احترام أو اهتمام او افاده للاخرين و كلما كنت مصدر نفع لغيرك كلما علاقاتك زادت .

3- التدقيق في التخصص : قبل ما تختار تخصصك شوف التخصص دا فيه خريجين كتير ولا لا ومدى احتياج سوق العمل لتخصصك دا , طيب عندك استعداد تاخد خطوات عشان تكون متميز عنهم بالمهارات مثلا ولا زيك زيهم يبقا هتتوه في الزحمه.

4- مهارات الكومبيوتر: ودي حاجه اساسيه طبعا زي اسمك كدا بالضبط و خصوصا مهاراة البحث في الانترنت "هتغنيك عن سؤال الناس كتير"

المهارة معناها اتقان مش معناها انك تاخد شهاده ايا كان مسماها وانت مش قادر تطبق اي جمله من اللي اخدتها في الكورس .

في كورس على يوتيوب ازاي تبحث في جوجل هتلاقيه هنا

5- النمو الذاتي : انت عامل زي الزرع اللي محتاج ميه و عنايه وبدون نمو ذاتي هتقعد محلك سر , في مهارات زي حل المشكلات و التفاوض و التفكير الابداعي , التفكير النقدي , الاتصال الفعال . ادارة الوقت , وفي منها دروس باوقات مختلفه بدايه من ربع ساعه اون لاين لحد شهر كامل دا غير الكتب المبسطه و المحتوى الصوتي .

مثال لمواقع التعلم الذاتي بالعربي : ادلال , ادراك , رواق , نفهم

6- متابعة الفرص التدريبيه : تابع الفرص التدريبيه في جروبات الفرص و المنح وشوف محتاجه ايه في المهارات و المتطلبات الدراسيه عشان تستعد لها يمكن تلاقي فرصه افضل للدراسه في الخارج .

7- اعرف الطريق المناسب :ادخل على التخصص اللي انت عايز تدخل فيه واعرف ايه التخصصات الدراسيه و الكورسات المهنيه اللي محتاجها و ابدا اشتغل عليها.

الموقع دا بيساعدك تعرف المهارات المطلوبه في اي تخصص هتلاقيه هنا

8- اقرأ في مجال التخصص: اقرأ عن مجالك من المصادر الخارجيه هتلاقيها منظمه وغالبا محدثه و اسلوبها يشدك ويحببك في التعلم دا بالاضافه الى ان في تخصصات كتير بتتعرض في الكتب و الفيديوهات و التسجيلات الصوتيه .

9- التطبيق: طبق الكلام اللي انتي بتقراه أو بتاخده على نفسك و فيد بيه الدايره اللي حواليك في نشاط تطوعي على الانترنت او ع ارض الواقع مثلا او في الدايره القريبه منك , افضل طريقه عشان تثبت معلومه في دماغك هي انك تمارسها و تشارك بيها غيرك .

10- كن متخصص :عشان تبقى خبير في تخصص معين هحتاج وقت و دا بيختلف من مهارة للتانيه و على حسب سرعتك في التعلم يعني الموسيقى و الرياضيات محتاجين حوالي 10 الاف ساعه , الاقتصاد 26,880 ساعه

البرمجه حوالي 15360 ساعه , الخياطه 700 ساعه

مش لازم تمارس كل الساعات دي في المرحله دي ولكن ع الاقل ابدا رحلتك في الممارسه .

* اهتم ببناء سيرتك الذاتيه بشكل احترافي.

*اي عمل تدخله ركز انك تعمل انجاز مش يبقى وجودك زي عدمه.

*ضيف لشخصيتك مهاره جديده كل 6 شهور على الاقل.

في 8 خطوات ازاي تزود انتاجك من هنا